2012. garren urtean irten zen merkatura Flysch txakolina, Gorosti upategian egina Etxabe-Etxaniz familiaren eskutik.

Juan Mari da Etxabe familiako laugarren belaunanldia txakoligintzan. Bere arbasoak txakolina egiteaz gain, kupeak ere eraikitzen zituzten bere garaian.

Zumaiako San Miguel auzoko Gorosti baserrian, 100 urteko mahastiak daude oraindik, eta bertako mahatsekin egiten da etxerako txakolina.

2008. garren urtean, Juan Mª Etxabe,  Itziar-Debako Elorriaga auzora mugitzen da eta bertako landa eremuan, mahastiak landatzen ditu, hain zuzen ere Euskal Kostako Geoparke eremuan, hain ezaguna den Flysch zonaldean. Kostako kokaleku pribilegiatu horretatik dator Flysch txakolinaren deitura.

2011. garren urtean jasotzen du Juan Marik lehenengo uzta eta Gorosti upategia sortzen du, bere haserako pausuen oroimenez.